Panasonic FX520．其一

Panasonic 新上市的 FX520 機身方方正正，極其配合金屬鍛造的剛強外表，設計也極簡約，機頂只有一枚開關掣、變焦選擇掣及快門按鈕，而背板因為大部份位置被巨大的 3 吋 Touch Screen 所佔據，所以按鈕不多，而每個按鈕所負責的選項亦不覺煩複，選項大部份以文字輔以圖案，再以 Touch Screen 或五方向按鈕作決定，初步接觸後感覺選項架構簡單而且直接，起碼唔需要我傷腦筋諗，幾下子便習慣其操作模式了。

其兩截式伸縮鏡頭，起動反應尚算快捷。



暫時只使用過 iA (Intelligent Auto)，亦即全自動傻瓜 Mode；感覺真係非常傻瓜，簡直傻到有些兒低能！當你影人像，FX520 會自動開啟 Face Detection 兼轉到人像 Mode；當被攝物距離十分近時，佢會自動變成花花 Mode；當你影風景時，佢又會變成風景 Mode；咁黑媽媽像點算？佢會憑你有冇開啟閃燈知道應該轉去夜景 Mode 定夜景人像 Mode…真係有冇傻得咁緊要呀！？

好似我呢種所謂影開相o既人，通常都會對全自動模式有些少甚至極度抗拒，但 FX520 個 iA 喎…我估我大部份時間都會選擇用佢，因為實在太方便了！

另外個 Touch Screen AF/AE lock 又係此機有趣之處，AF lock 後將畫面移左移右，它會識得自動自覺括住物件跟住走，好醒目呢！

暫時感覺此機的唯一缺點係厚！若非如此，以其 iA Mode 而言，此機真係一部不折不扣的女性或老人家專用相機。

其他缺點？都未開始用點會知啊？遲下話你聽啦～